كتبت/وﻻء حسن
ليه يا أبويا ياحتة مني
ليه كدة تتخلي عني
هو ده وعدك لية
مش بترد ليه علية
صوت صراخ بيهز فية
وناس بتقولي أبوكي مات
قوم سكتهم
مش قادرة أسمعهم
رد علية قوم كلمني
ريح قلبي اللي بيألمني
يعني إيه..خلاص كدة
مش هسمعك
مش هلمسك
مش هشوفك للأبد
كدة حياتك انتهت!!
ده انا لسة شامه ريحتك
في وداني سامعه حسك
اقرصوني فهموني انه حلم
اوعوا تقولوا ﻻ ده علم
أه ياظهري اللي اتكسر
أه يا ويلي من البشر
راح أبويا وراح معاه
ضحكتي
فرحتي
ابتسامتي
وسابلي شكوتي.
